الحلم الجميل...

موضوع: الحلم الجميل... الخميس أغسطس 28, 2008 4:03 am

كنت انتظر لحظة يجمعني به الزمان.. يوم التقيه بلهفه وحنان.. لما احضنه واروي عطشي والحرمان..

سألت نفسي كيف راح يكون شعوره لاشافني؟؟

وشلون انا باتصرف اذا لاقاني؟؟

ياترى اتصنع الخجل والدلال ولا اخلي الجرأه علي تبان؟؟

وجات لحظة الحقيقه..ايه باسميها لحظة الحقيقه لاني لقيت ان كل شي فيها اختلف واخذت الطبيعه مجراها الي لازم تكون فيه..

في هذه اللحظه كنت اجمل وابهى واروع عروس...

وزاد تألقي يوم اقبل علي وناظرت عيونه عيوني وحط ايديه بايديني..

وعلا الصوت ومشينا...

مرحبا يا اجمل عروس في الوجود

مرحبا بـــــالـزيــن كـلـه والـجـمـال

نال قلبــي ورده من احلى الـورود

الا اعـذبـــهـــن واكــثــرهــن دلال

مرحبا بــك يا وفـا الـقـلـب الـودود

يـاسلـيـل الـمـجد يامـجد الرجــال

اشـهـد ان الـسعد في الدنيا يجود

يـوم احـط ايـداي بـك نـلـت المـنال

مشينا وعيون الناس تناظر حبنا ومن سعادتي كل وحده تتمنى تكون بمكاني..

ماتخيلت ابد ابد اني راح اشوفه قدامي والفه باحضاني.. ولاتخيلت اني باتنفس عشقه الذايب في ريحة عطره وانفاسه.. او اني باشوف نظرة مبسمه و بسمة ناظره..

عيونه اللي احتوتني ولاخلت للزمان مكان.. خلت كل شي فيني يرتجف حتى الوله.. حتى الوله من الشوق واللهفه الي بعيونه ماقدرت اظهره..

كل الي قدرت اقوله..

اخيرا جمعتني بك الايام ياهوى بالي وحبيب امالي.. اخيرا صرت لي ياعشق الطفوله والصبا.. الحين اقدر ارتمي بحضنك واسمع صوت حبك..

ويادوب عدت دقيقه كنت غايبه فيها عن الحقيقه وصحيت... صحيت على صوت ولدي يناديني.. ماما.. ماما قومي انا جوعان!!!

قمت وانا مذهوله اجر بقايا حلمي الوردي الجميل وقلت له.. طيب حبيبي حاضر الحين احضر لك فطور..

واعتصرت وسادتي ونزلت عليها دمعتي مخلوطه ببقايا فرحتي علني اقدر اشوفه والمحه او اكمل باقي الحلم الجميل...

يعطيك العافية على الموضوع الرائعة

عشاق الحب كتب:: يعطيك العافية على الموضوع الرائعة